Mərkəzi Elmi Kitabxananın İnnovativ layihələr və metodik təminat şöbəsi 2020-ci ildə yaradılmışdır. Şöbənin funksiyalarına AMEA-da kitabxana-informasiya sahəsində yeni texnologiyaların tətbiqi vasitəsilə müasir kitabxana-informasiya infrastrukturunun yaradılması, istifadəçilərə göstərilən kitabxana-informasiya fəaliyyətinin dünya standartları səviyyəsinə çatdırılması, kitabxana fondlarının zənginləşdirilməsi, elektron kitabxanaların qurulması, onların mühafizəsi və təhlükəsizliyinin təmin edilməsi, əməkdaşların intellektual potensialının inkişafı üçün layihələrin həyata keçirilməsi daxildir. Şöbənin əsas vəzifələri kitabxanalarla əlaqələrin qurulması və monitorinqlərin keçirilməsi, şifahi və yazılı məsləhətlərin verilməsi, təlimati materialların hazırlanması, kitabxana-infomasiya sahəsinə dair normativ-texniki sənədlərin tərtibi və tətbiq olunma metodlarının hazırlanmasıdır. 

Şöbə yarandığı gündən AMEA-da kitabxanaçılara kitabxanaşünaslıq, biblioqrafiyaşünaslıq və informasiya sahəsinə dair müasir nəzəri-təcrübi biliklərin çatdırılmasına xüsusi diqqət yetirir. Bununla əlaqədar İnnovativ layihələr və metodiki təminat şöbəsinin təşkilatçılığı ilə vaxtaşırı əlavə peşə təhsili təlimləri keçirilir. MEK-in mütəxəssisləri tərəfindən keçirilən təlimlərdə kitabxanaçılara dünya təcrübəsində geniş yayılmış rəqəmsal və ənənəvi kitabxana prosesləri haqqında məlumatlar, eyni zamanda yeni informasiya texnologiyaları vasitəsilə kitabxana xidmətlərinin təşkilinə dair nəzəri biliklər, müasir kitabxana-informasiya xidmətinin təşkilinin forma və xüsusiyyətləri öyrədilir. 

Eyni zamanda İnnovativ layihələr və metodiki təminat şöbəsi tərəfindən AMEA MEK şöbələrinin və ETİ kitаbхаnа şəbəkəsinin fəаliyyətinin ən mühüm istiqаmətləri, əldə еdilmiş nаiliyyətlər, kitаbхаnаçı kadrların qаrşılаşdığı çətinliklər və оnlаrın аrаdаn qаldırılmаsı yоllаrı hаqqındа məlumаtlar əldə etmək, kitabxanalararası təcrübə mübаdiləsini təşkil еtmək məqsədilə vaxtaşırı monitorinqlər keçirilir, hesabatlar hazırlanır və təkliflər hazırlanaraq rəhbərliyə təqdim edilir.

Həmçinin MEK tərəfindən kitabxana işi sahəsində elmi və təcrübi yeniliklərin araşdırılması və tətbiqi istiqamətində mühüm işlər görülür. Bu istiqamətdə davamlı olaraq araşdırmalar aparılır, əməkdaşlarımız  beynəlxalq və yerli konfranslarda, seminar və vebinarlarda iştirak edir, öz bilik və bacarıqlarını təkmilləşdirirlər. Şöbənin funksiyalarından biri də tədris metodik və tövsiyə nəşrlərinin hazırlanmasıdır. Bunlara misal olaraq “Nizami Gəncəvi irsinin kitabxanalarda təbliği”, “Şuşa ili - Zəfər salnaməsi”, “Kitabxana-informasiya sahəsinə dair hüquqi-normativ aktlar toplusu” (elektron), “Heydər Əliyev irsinin tədqiqi və təbliği”, “Elmi kitabxanalarda elmmetriya və bibliometriya” adlı metodik vəsaitləri, “Qərbi Azərbaycan”, “Azərbaycan ekologiyası”, “Mərkəzi Elmi Kitabxananın nəşrləri” adlı biblioqrafik göstəriciləri, “Təbiət bir kitabdır”, “Yaşıl kitabxanalar” adlı kitabları və s. qeyd etmək olar.  

Şöbənin funksiyalarından biri də dünya kitabxana təcrübəsində baş verən yenilikləri araşdırmaq və metodik rəhbərlik etdiyi kitabxanaçıları maarifləndirməkdir. Bu məqsədlə şöbə əməkdaşları tərəfindən “Davamlı gələcək üçün kitabxanalar. 2024 Aİ Seçimləri üçün manifest”, “Yaşıl kitabxanalar manifesti”, “İFLA-nın strategiyası 2024–2029” və s. sənədlər ingilis dilindən tərcümə edilmişdir.

Şöbə yarandığı gündən əməkdaşlarımız davamlı olaraq AMEA-nın regionlarda yerləşən bölmələrində və elmi-tədqiqat institutlarının kitabxanalarında ezamiyyədə olur, il boyu kitabxana işinin təşkili və keçiriləcək tədbirlərlə bağlı məsləhətlər verir, metodik köməklik göstərirlər. Eləcə də şöbəyə müraciət edən kitabxanaçıların sorğuları dinlənilir, onlara lazımi metodik göstərişlər və tövsiyələr verilir.

İnnovativ layihələr və metodiki təminat şöbəsi eyni zamanda müxtəlif konfranslar, ustad dərsləri, seminar və dəyirmi masalar da təşkil edir. Bunlardan, “Pandemiya dövründə elmi-tədqiqatların kitabxana-informasiya təminatı”, “Şuşa İli”ndə kitabxanaların vəzifələri”, “Nizami Gəncəvi İli”nə dair AMEA-nın nəşrləri”, “Heydər Əliyev irsinin təbliği” ümumtəhsil məktəb kitabxanalarının fəaliyyətinin əlaqələndirilməsi ilə əlaqədar “Məktəb kitabxanaları, icma əlaqələri” adlı və s. tədbirləri qeyd etmək olar. 

Həmçinin şöbə “Kitabxana-informasiya sahəsi üzrə ixtisaslaşmış fond” üzrə oxuculara xidmət göstərir. Bu fondun təşkili, saxlanılması, elektron kataloqda kitabların təsviri şöbə əməkdaşları tərəfindən yerinə yetirilir. 

İnnovativ layihələr və metodiki təminat şöbəsinin beş əməkdaşı var. Şöbəyə Səyyarə Məmmədova rəhbərlik edir.