Kitabxana resurslarının rəqəmsallaşdırılması və idarə edilməsi şöbəsi Mərkəzi Elmi Kitabxanada müasir dövrün tələblərinə uyğun olaraq kitabxana-biblioqrafiya proseslərinin avtomatlaşdırması, fondun rəqəmsallaşdırılması, elektron kataloq, elektron kitabxana xidmətlərini kompleks şəkildə həyata keçirir. Şöbə dövlətimizin daxili və xarici siyasəti, rəhbərliyin və AMEA Rəyasət Heyətinin göstəriş və qərarlarını əsas götürərək öz işlərini qurmuşdur.  Şöbə qlobal informasiya dövründə qarşısında duran məsələləri uğurla həyata keçirir.  Şöbədə iş iki əsas istiqamətdə aparılır:

1.Kitabxana biblioqrafiya proseslərinin kompleks avtomatlaşdırılması və  e-kataloqun yaradılması. Bu istiqamətdə işlər bilavasitə MEK-in bütün şöbələri ilə birlikdə mütəmadi şəkildə həyata keçirilir. Kitabxanada tətbiq edilən Avtomatlaşdırılmış Kitabxana İnformasiya Sistemi İRBİS64+ (AKİS) vasitəsilə e-kataloq lokal və onlayn olaraq oxucularını istifadəsinə verilmişdir. 7/24 fəaliyyət göstərən e-kataloqdan bütün növ oxucular istifadə etmək imkanına malikdir.

2. MEK-də Elektron kitabxananın yaradılması sahəsində işləri həyata keçirmək.   E-kitabxanada artıq 10.000-ə yaxın elektron kitab zaman və məkan məhdudiyyəti olmadan onlayn şəkildə oxucuların istifadəsinə verilmişdir.

Artıq kitabxananın   e-kataloqunda 850.000 adda 1 milyondan artıq kitabın e-kataloqu yaradılmışdır.    E-kitabxanaya daxil edilmiş 10.000-dən artıq kitabın ardı davam edir. 30 mindən artıq ədəbiyyat isə e-kitabxanaya yerləşdirilmək üçün hazırlıq mərhələsindədir. Kitabxanamızda bütün xidmətlər tam avtomatlaşdırılmışdır.  Oxucular müraciət edərkən yalnız elektron üsullardan istifadə edir. Ənənəvi kağızla işləmək ləğv edilmişdir. 

"