Heydər Əliyev və Azərbaycan dövlətçiliyi şöbəsi - Ümummilli lider Heydər Əliyevin zəngin irsinə, Azərbaycanın dövlətçilik tarixinə dair ədəbiyyatın kitabxana fondlarında komplektləşdirilməsi, rəqəmsallaşdırılması, ənənəvi və virtual sərgilərin, məlumat bazalarının hazırlanması işini təşkil edir. Şöbə Azərbaycan Respublikasının prezidenti İlham Əliyevin çoxşaxəli siyasi fəaliyyətinə, I vitse-prezident Mehriban Əliyevanın sosial-humanitar sahədə gördüyü işlərə, Azərbaycanın dünyada təbliğinə dair ədəbiyyatın kitabxana fondlarında sistemləşdirilməsi, ənənəvi və elektron informasiya-axtarış aparatının təşkili, mövzu və şəxsi biblioqrafik göstəricilərin hazırlanması, görkəmli dövlət xadimi Heydər Əliyev irsinin tədqiqi və təbliğinə dəstək məqsədilə silsilə xarakterli Heydər Əliyev lektoriyalarının, elmi-kütləvi tədbirlərin təşkili və keçirilməsi fəaliyyətini nəzərdə tutur və bu sahədə  elmi-tədqiqat işlərinin informasiya təminatını həyata keçirir. 

Şöbənin inkişaf planının əsas istiqamətlərinə uyğun olaraq kitabxananın mövcud Elektron Kitabxana platformasında Ulu Öndər Heydər Əliyev və Azərbaycan dövlətçiliyinə dair informasiya resurslarının yerləşdirilməsi və bu prosesin daimi yenilənməsi əsas prioritetlərdən hesab olunur.

Son illərdə şöbənin təşkil etdiyi və uğurla həyata keçirdiyi ən mühüm layihələrdən biri görkəmli dövlət xadimi, Ümummilli lider Heydər Əliyevin irsinin tədqiqi və təbliğinə dəstək məqsədilə təşkil etdiyi silsilə xarakterli Heydər Əliyev lektoriyalarının keçirilməsidir. Qeyd etmək lazımdır ki, respublika kitabxanalarında bu ilkə məhz Mərkəzi Elmi Kitabxana imza atıb. 

Şöbə AMEA-nın Rəyasət Heyəti, AMEA-nın bir sıra Elmi Tədqiqat İnstitutları, həmçinin şöbənin müvafiq profilinə uyğun digər istifadəçilərin də əyani və şifahi sorğularının cavablandırılması istiqamətində informasiya təminatını yüksək səviyyədə həyata keçirir. 

Ümumiyyətlə, şöbə Azərbaycan dövlətçiliyi və Heydər Əliyev irsinə dair nəşrlərin kitabxana fondlarında toplanması, kitabxana fondlarının zənginləşdirilməsinə deyil, eyni zamanda Azərbaycanın dövlətçilik tarixinin və Heydər Əliyev irsinin gələcək nəsillərin istifadəsinə verilməsi üçün qorunub saxlanılmasına xidmət edir. Şöbəyə Günel Bağırova-Hüseynova rəhbərlik edir.