AMEA Mərkəzi Elmi Kitabxanasının “Biblioqrafiya” şöbəsi 1923-cü ildə təşkil olunmuş “Azərbaycanı Tədqiq və Tətəbbö Cəmiyyəti”nin nəzdində, 1924-cü ildə isə “Biblioqrafiya” bürosu kimi fəaliyyətə başlamışdır. 1925-ci ildə “Elmi Kitabxana” ilə “Biblioqrafiya bürosu”nun fəaliyyəti birləşdirilmiş və  1959-cu ildə “Məlumat-biblioqrafiya”, 1967-ci ildə “Elmi biblioqrafiya”, 1973-cü ildə “Elmi-texniki informasiya”, 2003-cü ildə “Biblioqrafiya” şöbəsi adı  ilə  fəaliyyət göstərmişdir. 2015-2020-ci illərdə “Kitabxana-xidmət şöbəsi”nin tərkibində “Biblioqrafik sorğular bölməsi”, 2020-ci ildə isə kitabxanada baş verən struktur dəyişikliyinə əsasən yenidən “Biblioqrafiya” şöbəsi adlandırılmışdır. 2024-cü ilin may ayından etibarən şöbə iki yerə bölünərək “Biblioqrafik nəşrlər” və “Biblioqrafik və elektron informasiya xidməti” şöbələri kimi fəaliyyət göstərmişdir. 

Azərbaycan Milli Elmlər Akademiyası Rəyasət Heyətinin 21 oktyabr 2024-cü il tarixli 20/9 nömrəli Qərarına əsasən “Biblioqrafik nəşrlər” və “Biblioqrafik və elektron informasiya xidməti” şöbələrinin bazasının daxili imkanları hesabına “Elmi biblioqrafiya” və “Biblioqrafik informasiya xidməti” sektorları yaradılmışdır. Biblioqrafiya şöbəsinə filologiya üzrə fəlsəfə doktoru Aytən Əliyeva rəhbərlik edir. 

Elmi biblioqrafiya sektoru

Elmi biblioqrafiya sektorunun əsas vəzifəsi tematik mövzularda elmi biblioqrafik göstəricilərin hazırlanmasını, AMEA Rəyasət Heyətinin Qərarlarına əsasən AMEA-nın həqiqi və müxbir üzvlərinin yaradıcılığını özündə toplayıb qruplaşdıran şəxsi biblioqrafik göstəricilər hazırlamaqdır. “Azərbaycanın elm və mədəniyyət xadimləri” seriyası adı altında çap olunan şəxsi biblioqrafiyaların tərtibi məqsədilə AMEA-nın institut və təşkilatlarının alimləri, əməkdaşları, elmi katibləri ilə əlaqə yaradaraq göstəricilərin tərtib və redaktəsi həyata keçirilir.  Azərbaycan Respublikası Prezidentinin müvafiq sərəncamlarına əsasən cari ildə keçiriləcək dövlət əhəmiyyətli tarixi günlər və ya məşhur şəxsiyyətlərin yubileyləri ilə əlaqədar diyarşünaslıq xarakterli biblioqrafik vəsaitlər tərtib və redaktə edilir. Bu xüsusda olan biblioqrafiyalara “Nizami Gəncəvi” (2021), “Şuşa-270” (2022), “Görkəmli dövlət xadimi Heydər Əliyev” (2023), “Naxçıvan Muxtar Respublikası-100” (2024) və s. biblioqrafik göstəricilərini misal göstərmək olar. Sektor Mərkəzi Elmi Kitabxanaya daxil olan kitabların ildə 4 dəfə olmaqla rüblük bülletenini hazırlayır. İnformasiya bülleteninə daxil olan kitabların biblioqrafik təsvirləri elm sahələrinə müvafiq qruplaşdırılır. Sektora Nərgiz Novruzova rəhbərlik edir.

Biblioqrafik informasiya xidməti sektoru

 Biblioqrafik informasiya xidməti  sektorunun əsas vəzifələri bib-lioqrafik arayışların yerinə yetirilməsi və biblioqrafik informasiya xid¬mə-tindən ibarətdir. Sektor əməkdaşları tərəfindən alimlərə, dok¬torant və dissertantlara, mütəxəssislərə və digər oxucu qrup¬la¬rına elektron bib-lioqrafik informasiya xidməti üzrə axtarış həm İRBİS 64+AKİS (Avtomatlaşmış Kitabxana İnformasiya Sistemi) proqramı, həm də kataloq-kartoteka sisteminə əsasən ənənəvi formada aparılır. AMEA-nın institut kitabxanalarına biblioqrafik xidmət göstərilir, oxucuların müvafiq mövzular üzrə biblioqrafik sorğuları əsasında axtarışda dəqiqləşdirmələr yerinə yetirilir, elmi mənbələrin araşdırılmasında istiqamət verilir. Eyni zamanda, ali dövlət orqanları, müəssisə və təşkilatlar, ayrı-ayrı oxucu qruplaryət xadimləri” seriyasından görkəmli elm və mədəniyyət xadimlərinin həyat və yaradıcılığını əks etdirən şəxsi və mövzu biblioqrafik göstəricilər PDF for¬¬matında sistemləşdirilir. Sektora Aygün Əliyeva rəhbərlik edir.

"

"