Şöbə 2003-cü ildə yaradılmışdır. Kitabxananın strukturunda şöbənin ilkin adı Kitabxana proseslərinin avtomatlaşdırılması kimi təsdiq edilmişdir. 2014-cü ildə şöbənin  adı dəyişdirilmiş və “Sənədlərin konvertasiyası, bərpası və surətçıxarma şöbəsi” adlandırılmışdır. 2017-ci ildən şöbənin adı yenidən dəyişdirilmiş və “Rəqəmsallaşdırma” şöbəsi adlandırılmışdır. Şöbədə iki bölmə fəaliyyət göstərmişdir: Rəqəmsallaşdırma bölməsi və Konvertasiya bölməsi. Bu bölmələr özünə uyğun iş prinsipləri əsasında idarə olunurdu. Rəqəmsallaşdırma bölməsində Almaniyadan gətirilmiş müxtəlif tipli scan aparatlarından “By Metis” və “ZETA” istifadə edilmişdir. Bu bölmədə sənədlərin scan edilməsi icra edilirdi.  Konvertasiya bölməsində isə scan edilmiş sənədlər üzərində müəyyən edilmiş proqram vasitəsilə düzəlişlərin aparılması, onların qüsursuz PDF variantının hazırlanması prosesi həyata keçirilirdi.

          2019-cu ildən isə şöbə “Elektron resursların formalaşdırılması şöbəsi” adı altında fəaliyyət göstərməyə başlamışdır. Şöbə yenidən Sənədlərin ilkin emalı və Konvertasiya bölməsi olaraq iki hissəyə bölünmüşdür. 2021-ci ildən şöbənin adı Reproqrafiya şöbəsi adlandırılmışdır. Şöbədə sənədlər skan edilərək ABBYY Fine-reader proqramı ilə konvertasiya edilib PDF formatına salınır.  

           2024-cü ildə şöbəyə 3 ədəd yeni skan aparatı alınmışdır. Bunlar “İRİ-Skan DESK PRO DUO” aparatıdır və eyni iş prinsipinə əsaslanmışdır. Aparatların üstün cəhəti kitabları  sürətli şəkildə, daha da səliqəli skan etməsidir. Şöbədə ildə 1000- dən artıq müxtəlif məzmunlu nəşrlərin elektron formata salınması icra olunur. Azərbaycanın milli, mədəni, elmi irsinin əsaslı formatda, mərkəzləşdirilmiş şəkildə qorunub saxlanılmasını təmin etmək şöbənin əsas vəzifəsidir. Reproqrafiya şöbəsi universitetlər, akademik tədqiqat institutları və s. elmi qurumlarda mövcud olan fiziki və elektron elmi materialların bir bazada cəmləşməsini, istifadəyə verilməsini təmin edir.