MEK əməkdaşının yeni şeir kitabı işıq üzü görüb
Azərbaycan Milli Elmlər Akademiyası (AMEA) Mərkəzi Elmi Kitabxanasının (MEK) İnnovativ layihələr və metodik təminat şöbəsinin əməkdaşı, yazıçı-publisist Pərvanə Bayramqızının “İki aşiq” adlı şeir kitabı işıq üzü görüb. Kitaba yazıçının həm yeniyetməlik dövründə, həm də sonrakı illərdə yazdığı şeirlər daxil edilib. “Ulduz” jurnalının baş redaktoru, şair Qulu Ağsəs kitabın redaktoru olmaqla yanaşı, ona ön söz də yazıb. Nəşrin elektron formatı ilə kitabxananın saytının Elektron kitabxana bölməsində tanış olmaq mümkündür. Qeyd edək ki, Pərvanə Bayramqızının şeir kitablarından başqa altı nəsr kitabı var.
