Mərkəzi ELMİ kitabxana

MEK əməkdaşları Naxçıvanda keçirilən beynəlxalq konfransda çıxış ediblər

foto

Naxçıvan Dövlət Universitetində “Şəhərsalma və Memarlıq İli” çərçivəsində Azərbaycan memarlıq məktəbinin görkəmli nümayəndəsi Əcəmi Əbubəkr oğlu Naxçıvaninin anadan olmasının 900 illiyinə həsr olunmuş “Əcəmi 900: İpək Yolu üzərində şəhərsalma mədəniyyəti və memarlıq” mövzusunda beynəlxalq elmi konfrans keçirilib. Naxçıvan Dövlət Universitetinin Mədəniyyət və Konqres Mərkəzində keçirilən konfransda dövlət və hökumət rəsmiləri, Azərbaycan Milli Elmlər Akademiyasının (AMEA), ali təhsil müəssisələrinin və elmi-tədqiqat institutlarının nümayəndələri, eləcə də Çin, Türkiyə, Avstriya, Qazaxıstan, Özbəkistan və digər ölkələrdən dəvət olunan alim və tədqiqatçılar iştirak ediblər. Konfransda AMEA-nın Mərkəzi Elmi Kitabxanasını (MEK) Azərbaycanşünaslıq və Milli Rəqəmsal Yaddaş şöbəsinin müdiri Aygün Səfərova və baş mütəxəssis Günel Hüseynova təmsil ediblər. Onlar həmmüəllif olduqları "Tarixi şəhərsalma və memarlıq irsinin rəqəmsal təbliği: AMEA Mərkəzi Elmi Kitabxanasının təcrübəsi" adlı məqalə ilə çıxış ediblər. Sonda hər iki əməkdaşa sertifikat təqdim olunub.

Xəbəri sosial şəbəkələrdə paylaşın