AMEA Mərkəzi Elmi Kitabxananın (MEK) Kataloqlaşdırma şöbəsi kitabxana fonduna daxil olan bütün sənədlərin sistemli şəkildə qeydiyyata alınmasını, biblioqrafik təsvirlərinin hazırlanmasını və onların elektron kataloqa daxil edilməsini həyata keçirir. Şöbə həm cari daxil olan sənədlərin, həm də retrospektiv sənədlərin kataloqlaşdırılması işini yerinə yetirir. Bununla yanaşı, şöbə kitabxanada olan bütün növ sənədləri biblioqrafik xassələrinə əsasən ardıcıl olaraq elm sahələri üzrə sistemləşdirir, indeksləşdirir və müvafiq kataloqlaşdırma qeydlərini elektron bazaya daxil edir.

Şöbənin əsas fəaliyyət istiqamətləri

MEK-in Kataloqlaşdırma şöbəsi aşağıdakı əsas istiqamətlər üzrə fəaliyyət göstərir:

• 1. Biblioqrafik təsvir və kataloqlaşdırma
1. MEK-ə daxil olan müxtəlif dillərdə kitablar, jurnallar, nəşri davam edən resurslar və digər sənədlərin biblioqrafik təsvirini hazırlayır;
2. Dövlət standartlarına uyğun olaraq sənədlərin biblioqrafik təsvirinin yaradılmasını təmin edir;
3. Sənədlərin ənənəvi əlifba və sistemli kataloqlara daxil edilməsi üçün qeydiyyata alınmasını həyata keçirir;
4. Elektron kataloqa müvafiq qeydlərin daxil edilməsi və kartların hazırlanmasını təmin edir.
• 2. Elektron kataloq və retrokonversiya işləri
1. Kitabxana fondunun tam şəkildə elektron kataloqa daxil edilməsi məqsədilə ardıcıl işlər görür;
2. Cari kitab işləmə ilə yanaşı, retrokonversiya işlərini də davam etdirir;
3. Ümumi fonddan götürülən kitabları və digər çap məhsullarını "İRBİS-64" proqramına daxil edir;
4. Elektron kataloqda və ənənəvi kataloqda mütəmadi redaktə işləri aparır.
• 3. Ənənəvi kataloqların idarə olunması
1. Kataloqlaşdırma şöbəsi ənənəvi kataloqların işlənməsini və təşkilini həyata keçirir;
2. Hazırlanan kartoçkaların əlifba sırası ilə düzülməsini, əlifba və sistemli kataloqlara yerləşdirilməsini təmin edir.
• 4.Sənədlərin fondlara təhvil verilməsi
1. İşlənilmiş və kataloqlaşdırılmış kitablar, jurnallar və digər çap məhsulları müvafiq fondlara təhvil verilir;
2. Şöbə tərəfindən işlənən hər bir sənədin izlənməsi və qeydiyyatının aparılması həyata keçirilir.

Kataloqlaşdırma şöbəsi AMEA Mərkəzi Elmi Kitabxanasının əsas struktur bölmələrindən biri kimi kitabxananın informasiya bazasının zənginləşdirilməsində mühüm rol oynayır. Kitabxana fondunun müasir texnologiyalarla idarə olunması və istifadəyə təqdim edilməsi üçün şöbə tərəfindən ardıcıl olaraq yeni metodlar tətbiq edilir.

Şöbəyə Xuraman Cəfərova rəhbərlik edir. Şöbədə 10 əməkdaş fəaliyyət göstərir