“Rəqəmsal Kitabxana və Süni İntellekt şöbəsi AMEA Mərkəzi Elmi Kitabxanasının struktur bölməsi olub, ənənəvi kitabxana xidmətlərinin müasir texnologiyalarla inteqrasiyasını, məlumatların rəqəmsal mühitdə toplanmasını, saxlanmasını və istifadəçilər üçün əlçatan olmasını təmin etməklə yanaşı, məlumatların işlənməsi və istifadəsini süni intellektin imkanları ilə asan və effektiv şəkildə həyata keçirən şöbədir. Azərbaycan Milli Elmlər Akademiyası Rəyasət Heyətinin “AMEA-nın Mərkəzi Elmi Kitabxanasının Elektron xidmətlər şöbəsinin bazasında daxili imkanlar və mövcud ştat vahidləri hesabına Rəqəmsal kitabxana və süni intellekt şöbəsinin yaradılması haqqında” 08 yanvar 2026-cı il tarixli, 1/16 saylı qərarı ilə yaradılmışdır.

Mərkəzi Elmi Kitabxanada rəqəmsal innovasiyaların tətbiqi, Beynəlxalq İT və kitabxana standartları əsasında rəqəmsal kitabxana və arxiv platformasının yaradılması, məlumatların mühafizəsi və təhlükəsizliyinin təmin edilməsi, istifadəçilərin intellektual potensialının və bilik səviyyəsinin inkişafı üçün şəraitin yaradılması şöbənin fəaliyyətinin prioritet istiqamətlərindəndir.