Hesabat kitabında Mərkəzi Elmi Kitabxananın (MEK) “Korporativ elektron kitabxana sistemlərinin nəzəri əsasları” adlı monoqrafiya mühüm elmi nəticə kimi yer alıb. Monoqrafiya korporativ elektron kitabxana sistemlərinin (KEKS) rəqəmsal transformasiya və biliklərin idarə olunması kontekstində müstəqil elmi-tədqiqat obyekti kimi nəzəri əsaslandırılmasına həsr olunub. Nəşrin layihə rəhbəri AMEA-nın prezidenti akademik İsa Həbibbəylidir. Əsərin müəllifləri AMEA-nın Mərkəzi Elmi Kitabxanasının direktoru texnika elmləri doktoru Hüseyn Hüseynov, MEK-in Rəqəmsallaşma, innovasiya və elektron xidmətlər üzrə direktor müavini tarix üzrə fəlsəfə doktoru Oruc Quliyev və Kitabxananın Rəqəmsal kitabxana və süni intellekt şöbəsinin baş mütəxəssisi fizika-riyaziyyat üzrə fəlsəfə doktoru Azad Qurbanovdur. Qeyd edək ki, kitabxana-informasiya elminin inkişafına töhfə verən, elmi yanaşma ilə praktiki təcrübəni uzlaşdıran bu tədqiqat əsəri alim və tədqiqatçılarla yanaşı, korporativ informasiya sistemlərinin layihələndirilməsi və idarə olunması ilə məşğul olan mütəxəssislər üçün də dəyərli elmi mənbədir.