"Ümummilli Lider Heydər Əliyevin 103 illiyinə həsr olunmuş
“Kitabxanaşünaslığın aktual problemləri” mövzusunda
II respublika elmi konfransı keçiriləcək.

Konfransın işi aşağıdakı istiqamətlər üzrə planlaşdırılır:

1. Heydər Əliyevin Azərbaycanda kitab və kitabxana işinin inkişafında rolu
2. Rəqəmsallaşma şəraitində kitabxana fondlarının formalaşdırılması və idarə olunması
3. Elm-kitabxana-cəmiyyət qarşılıqlı əlaqədə
4. Korporativ elektron kitabxana sistemlərinin, süni intellekt və yeni texnologiyaların kitabxanaların fəaliyyətinə tətbiqi

Konfransın işçi dilləri

Azərbaycan, ingilis, rus

Konfransın əsas tarixləri

Konfrans kitabxanaşünaslıq, kitabşünaslıq, biblioqrafiyaşünaslıq, mədəniyyətşünaslıq, arxivşünaslıq, tarix və digər ictimai, humanitar elm sahələri üzrə keçirilir.

Konfrans materialının tərtibinə dair tələblər

• Materiallar konfrasın elmi istiqamətlərinə uyğun olaraq tərtib edilməlidir. Microsoft Office Word proqramında A4 formatda, Times New Romanda - 12 şriftində (qara rəngdə), 1 intervalda yığılmalı, vərəqin sol kənarından 2,5 sm, sağdan 1,5 sm, yuxarıdan 3,0 sm, aşağıdan 2,5 sm boş sahə buraxılmalı, abzaslar 1,15 sm parametrlərinə uyğun olaraq yazılmalıdır.
• Vərəqin baş tərəfində sağda müəllif(lər)in adı, atasının adı, soyadı (tam açıq şəkildə); elmi dərəcəsi, elmi adı; işlədiyi və təhsil aldığı elmi müəssisənin adı və ünvanı, müəllif(lər)in elektron poçt ünvanı (email) və əlaqə nömrəsi yazılmalıdır. ;
• Təqdim olunan material əvvəllər çap olunmamalıdır;
• Mövzu konfransın istiqamətlərindən birinə uyğun olmalıdır
• Xülasə: 100 sözdən çox, açar sözlər isə 5 sözdən az (Azərbaycan, rus və ingilis dillərində) olmamalıdır. Hər bir xülasədə məqalənin adı və müəllif(lər)in tam adı göstərilməlidir.
• Konfrans materialının (məqalə və ya tezislərin) mətni 1-3 səhifə həcmində olmalıdır; - mərkəzdə konfrans materialının adı 12 şriftlə, böyük qara hərflərlə yazılmalıdır.
• Ədəbiyyat siyahısı mətnin sonunda əlifba sırası ilə göstərilməlidir (istinad olunan ədəbiyyatın nömrəsi mətnin içərisində verilir: məsələn, [5, s.32-43], [8]).
• Bir nəfərin müəllifliyi və ya həmmüəllifliyi ilə yalnız bir konfrans materialı qəbul edilir.
• Konfrans materialları AMEA Mərkəzi Elmi Kitabxanasının konfransmek@gmail.com ünvanına təqdim edilməlidir.