Azərbaycan Respublikası Ailə, Qadın və Uşaq Problemləri üzrə Dövlət Komitəsinin təşkilatçılığı ilə “Memarlıq və Şəhərsalma İli” çərçivəsində “Qadın İştirakçılığının təbliği” mövzusuna həsr olunmuş konfrans keçirilib. Konfransda AMEA-nın Mərkəzi Elmi Kitabxanasının Kitabxana xidməti üzrə direktor müavini fil.ü.f.d., dosent Şəhla Quliyeva da iştirak edib. Tədbirin keçirilməsində əsas məqsəd “Azərbaycan Respublikasında gender (bərabərliyi üzrə 2026–2028-ci illər üçün Milli Fəaliyyət Planı”nın prioritetlərinin icrasına töhfə vermək olub. Konfransın açılış mərasimində təhlükəsiz şəhərlər, dayanıqlı inkişaf modellərinin planlaşdırılmasında genderə həssas yanaşma, bərabər imkanların təmin olunmasında iqtisadi gücləndirmə və hüquqi islahatlar, qadınların cəmiyyətin bütün sahələrində fəal iştirakının əhəmiyyəti kimi mövzularda çıxışlar olub. Tədbirdə qadın memarların layihələrindən ibarət sərgi də təşkil olunub. Daha sonra konfrans işini panel iclasları ilə davam edib.