Dilarə Adilgil. Söz səfərinin sarvanları. Bakı, Elm, 2026.

İmzası ədəbi ictimaiyyətə kifayət qədər tanış olan Dilarə Adilgil 4 kitab, 100-ə qədər məqalə müəllifidir. Yeni – “Söz səfərinin sarvanları” məqalələr toplusu onun sayca 5-ci nəşr əsəridir. Burada ədəbi portretlər (onların yaradıcılıq səciyyəsi), resenziyalar, yeni nəsil ədəbiyyatı, hətta dilçiliyin predmeti olan antroponimlərə aid orijinal məqalələr, habelə Türk mətbuatında dərc edilmiş yazılar və s. toplanmışdır. Məqalələr çap xronologiyası üzrə düzülmüşdür. Kitabın strukturu qeyd olunan şərti təsnifata müvafiqdir. Hər bir bölmə predmetinə uyğun üslubdadır və nim bölmələrə ayrılmışdır. Ədəbiyyatımızın simalarına gəldikdə – söhbət Mir Cəlal, İmran Qasımov, Həsən Seyidbəyli, Qasım Qasımzadə, Hüseyn Kürdoğlu, Davud Nəsib və digər ustadlardan gedir ki, kitabın müəllifi hər yazara dair özünəməxsus oxucu-tədqiqatçı rəyini açıqlayır. Bu şərhlərdə orijinal Adilgil baxışını sərgiləyir. Və bu incələmələrdə emosional-ekspressiya elmi dərklə orijinal bir sintez təşkil edir. Müəllifin özünün həyat tərzinin üslubu kimi..