Xələfov Abuzər Alı oğlu. Azərbaycanda kitabxana işinin tarixi: dərslik. II hissə. Bakı, Bakı Universiteti nəşriyyatı, 2007.

Azərbaycanda kitabxana işinin tarixi» dərsliyinin II hissəsi XX əsrin birinci yarısında respublikamızda kitabxanaların yaranması, inkişafı və formalaşması məsələlərinin tədqiqinə və təhlilinə həsr olunmuşdur. Müəllif müxtəlif tipli və növlü kitabxanaların inkişaf xüsusiyyətlərini ölkənin ictimai-siyasi, elmi-mədəni və sosial-iqtisadi həyatı ilə vəhdətdə şərh etmiş, kitab nəşri, mətbuat və mədəniyyətin digər sahələri ilə sıx əlaqələndirmişdir. Dərslikdə ilk dəfə olaraq Azərbaycan Demokratik Cümhuriyyəti dövründə kitabxana quruculuğu məsələləri konkret faktlar və rəqəmlər əsasında təhlil edilmiş, indiyədək qaranlıq qalan bir çox məsələlərə aydınlıq gətirilmişdir. Dərslikdə mədəniyyət tarixinin ayrılmaz tərkib hissəsi olan kitabxana işinin tarixinin cəmiyyətimizin tarixi ilə əlaqədar şərh edilməsi xüsusi əhəmiyyət kəsb edir. Dərslikdə kitabxana işinə dair sovet tarixşünaslığında formalaşmış ehkamlar yeni baxımdan təhlil edilmiş, kitabxanaın sosial funksiyalarına dair müddəalar kommunist ideologiyasından azad edilərək ümumbəşəri və milli dəyərlər müstəvisində yenidən işlənmişdir. Dərslik kitabxanaşünaslıq-informasiya fakültəsinin tələbləri üçün nəzərdə tutulmasına baxmayaraq, ondan müəllimlər, mütəxəssislər və mədəniyyət tarixinin tədqiqatçıları da faydalana bilərlər.