. Facebook sosial şəbəkəsindən təhlükəsiz istifadə qaydaları. Bakı, , 2014.

Hazırda ölkə əhalisinin 73%-i internet istifadəçisidir və sosial şəbəkələrdən istifadə edənlərin sayı hər gün artmaqdadır. Bununla yanaşı, sosial şəbəkələrlə iş zamanı xoşagəlməz hallara da rast gəlinir. Sosial şəbəkə istifadəçilərinin ən çox qarşılaşdığı problemlər - hesablarının başqaları tərəfindən oğurlanması, onların adına saxta hesabların yaradılması, sosial şəbəkə vasitəsilə spam və virusların yayılması, istifadəçilərə məxsus şəkillərin xoşagəlməz şəkildə yayılması və sairədir. Buna səbəb isə istifadəçilərin öz hesablarının informasiya təhlükəsizliyini təmin etmələri barədə kifayət qədər məlumatlı olmamalarıdır.