İbrahimova Məhəbbət. Məhəbbət dünyası. Bakı, Azərbaycan, 2015.

Məhəbbət İbrahimovanın şeirlərindən ibarət ilk kitabı 2007-ci ildə nəşr olunub. Və nə qədər paradoksal olsa da, "Ömrün payızı" adlanır. Ona görə "paradoksal deyirik ki, adətən, ilk kitabın adında "payız" yox, "yaz" sözü olur. "Ömrümün yarısı yarım” adlanan ikinci kitabı (2010) isə müəllifin ibrətamiz sözlərilə bitir: "Mən bu dünyaya düz əlli il öncə gəlmişəm. Əsrin yarısını yaşamışam. Yaşadığım ömrün yarısını isə iyirmi beş il öncə ailə qur- duğum həyat yoldaşım, canım qədər sevdiyim övladlarımla birgə keçirmişəm. Ona görə də kitabım belə adlanır... “Ömrümün yarısı yarım"...