Tofiq Məmmədov. Murtuza Muxtarovun bağı - Mərdəkan dendrarisi. Bakı, Araz, 2000.

Məsələyə bir alim kimi yanaşaraq o, ilk növbədə torpağın münbitləşdirilməsini vacib hesab etmişdi. Əvvəlcə bütün bağ sahəsi 3x5 m² ölçüdə 30-a qədər terrasa bölünmüş, sonra torpağın üst təbəqəsi, 60-80 sm qalınlığında Lənkərandan kəmərlərlə gətirilən torpaqla örtülmüşdü. O, ildə 5-6 terras torpağının dəyişdirilməsinə nail olurdu. Həmin sahədə su təchizatı da demək olar ki, yox dərəcəsində idi. Bu yoxluğu ləğv etmək üçün M. Muxtarov ağır əl əməyi (çəkic və zubil alətlərini tətbiq etməklə) vasitəsi ilə su paylayıcı daş arxların çəkilməsinə nail olur. Həmin suvarma şəbəkələrinin nümunələri indiyə qədər bağın bəzi yerlərində qorunub saxlanılmışdır.