Rzasoy Seyfəddin. Dədə Qorqud eposu: III kitab: Şaman- Qəhrəmanın Xaos dünyasına yolçuluğu. Bakı, Elm və təhsil, 2025.

2015-ci ildə nəşr olunmuş “Azərbaycan dastanlarında şamanqəhrəman arxetipi” adlı monoqrafiyamızın (Bakı, Elm və təhsil”, 436 s.) ““Salur Qazanın evinin yağmalanması” boyunun kosmoloji struktur modeli” adlanan üçüncü fəsli əsasında hazırladığımız bu kitabda Azərbaycan/Oğuz/Türk etnokosmik düşüncəsinin əsas struktur modellərindən olan Şaman/Qəhrəman arxetipi “KitabiDədə Qorqud” dastanının ikinci boyu əsasında bərpa olunmuşdur. Təhlil istisnasız olaraq mətn informasiyası üzərində aparılmış, mətnin verdiyi ritual-mifoloji informasiya kosmoloji düşüncənin arxetip, formul və sxemlərini indiki səviyyəsində rekonstruksiya etməyə imkan vermişdir. Şaman/ Qəhrəman invariantının paradiqmaları əsasında aparılan bərpa və əldə olunan nəzəri-metodoloji təcrübəsi Oğuz-Türk mifologiyasının bərpası üçün geniş imkanlar açır.