. Azərbaycanın ağac və kolları II cild. Bakı, Azərbaycan SSR Elmlər Akademiyası Nəşriyyatı, 1964.

«Azərbaycanın ağac və kolları» əsərinin ikinci cildi birincinin davamı olmaqla yeni bir proqram əsasında tərtib edilmişdir. Bu cilddə Azərbaycanda yayılmış yerli və ekzotik ağac və kol növləri xarakterizə edilmişdir. İkinci cildə ağac və kol bitkilərinin 118 növünü əhatə edən və Engler sistemi üzrə yerləşdirilmiş fıstıq-çinar fəsiləsi (Fagaceae – Platanaceae) daxil edilmiş, mühüm xalq təsərrüfatı əhəmiyyəti olan palıd, fıstıq, şabalıd, azat, qarəğac, çinar və başqa bu kimi ağac-kol cinsləri təsvir olunmuşdur. Növlərin təsviri müxtəlif həcmlərdə verilmişdir. Meşələrdə və seyrək meşəliklərdə geniş yayılmış və respublikamız üçün xalq təsərrüfatı əhəmiyyəti olan ağac və kol cinsləri daha ətraflı təsvir edilmişdir. Elm üçün əhəmiyyətli olan və az tapılan (məsələn, reliktlər və endemiklər) növlərin təsvirinə də xüsusi diqqət verilmişdir. Azərbaycanda iqlimləşdirilmiş ən mühüm ekzotik ağac və kol cinslərinin xarakterizə edilməsinə, həmçinin az yayılmış növlərin təsvirinə nisbətən geniş yer verilmişdir. Fəsilələrin təyini cədvəli əsərin birinci cildində verilmişdir. Kitabda olan şəkillər M. Əliyev tərəfindən çəkilmişdir.