. Azərbaycanın faydalı bitki ehtiyatları: tədqiqi və tətbiqi I cild. Bakı, Ocaq, 2025.

Botanika İnstitutunun əməkdaşlarından professor S.C.İbadullayeva, do-sentlər - R.Ə.Ələkbərov, G.Ş Şirəliyeva, b.ü.f.d. S.F.Xudaverdiyeva, doktorant V.R.Əhmədova və AR Ədliyyə Nazirliyi Məhkəmə Ekspertizası mərkəzinin fiziki, kimyəvi və bioloji ekspertizalar şöbəsinin böyük eksperti P.H.Rüstəmova tərəfindən təqdim olunan "Azərbaycanın faydalı bitki ehtiyatları: tədqiqi və tətbiqi" adlı kitab bitkilərin düzgün elmi adlandırılması və tarix boyu tətbiq sahələrinin elmi təhlilinə həsr olunmuş fundamental bir tədqiqatdır. Əsərdə müxtəlif bitki növlərinin ilk dəfə necə və kim tərəfindən adlandırıldığı, həmin dövrdə tətbiq olunan sistematik prinsiplər, eləcə də bu adların müasir botanika üçün əhəmiyəti geniş şəkildə şərh edilir. Kitab həmçinin bitkilərin etnobotanik, farmakoloji və ekoloji istifadəsini tarixi mənbələr əsasında araşdırır, qədimdən günümüzə qədər tətbiq sahələrində baş verən elmi yenilikləri göstərir. Müəlliflər bitki növlərinin adlandırılmasında latın terminologiyasının rolunu, növ təsvirlərinin hazırlanması qaydalarını və bu prosesin müasir taksonomiyaya təsirini də aydın şəkildə izah edirlər. Bu şərh əsərin botanika, ekologiya, kənd təsərrüfatı və tətbiqi elm sahələri üçün faydalı bir mənbə olduğunu vurğulayır və tədqiqatçılar, ekspertlər, tələbələr, həmçinin bitkilərin tarixi və istifadəsi ilə maraqlanan oxucular üçün etibarlı məlumat qaynağı kimi səciyyələndirir.