Qasımova R.C., Səfərova G.Ə.. Lazerlər fizikasından məsələlər (Ali məktəblər üçün dərs vəsaiti). Bakı, BDU Nəşriyyatı, 2018.

Vəsaitdə kvant elektronikasının fiziki əsaslarını əhatə edən məsələlər toplanmışdır. Buraya elektromaqnit şüalanmasının maddə ilə qarşılıqlı təsiri, qaz və bərk cisimlərdə optik hadisələr, kvant elektronikasının metodları və cihazlarının işləmə prinsipləri daxildir. Bundan əlavə kitabda kəsilməz və impuls rejimdə işləyən qaz və bərk cisimli lazerlərin generasiyası, lazer şüasının Qaus dəstəsinin fəzada dəyişilməsinə aid məsələlər də daxil edilib. Lazer şüalanmasının əsas parametrlərinin təhlilinə və qiymətləndirilməsinə xüsusi diqqət ayrılıb. Kitab lazer fizikasına aid məsələlərin həllinə həsr olunduğuna görə optika, elektrodinamika, kvant elektronikası və lazer fizikasından baza biliklər vacibdir. Vəsait lazer fizikasına aid məsələlərinin həllində, tələbələrin yoxlama sərbəst və müstəqil işlərinin təşkilində istifadə oluna bilər. Bu kitab təbiət fakültələrinin və ali təhsil müəssisələrində texniki istiqamətdə bakalavr və magistr pilləsində hazırlıq keçən tələbələr, doktorant və dissertantlar üçün nəzərdə tutulub. Xalq təsərrüfatının müxtəlif sahələrində lazerlərin işlənməsi və tətbiqi ilə məşğul olan mütəxəsislər üçün maraq kəsb edə bilər.