Qasımova R.C., Hacıyev F.H., Əmirov Ş.Ş.. Kvant elektronikası üzrə ixtisas praktikumu. Bakı, Bakı Universiteti Nəşriyyatı, 1994.

Optik kvant generatoru-lazer, elektron qurğuları əsasın-da geniş yayılmış generatorlar kimi elektromaqnit rəqslərini gücləndirmə sistemindən və müsbət əks əlaqə qurğusundan ibarətdir. Yalnız fərq ondadır ki, lazerdə elektromaqnit şüalan-masının generasiyası optik tezliklərdə baş verir. Müsbət əks əlaqə qurğusunun funksiyasını optik diapazonda məxsusi tezliklərə malik rezonator yerinə yetirir. İfrat yüksək tezliklər (İYT) oblastında bu məqsəd üçün qapalı rezonatorlardan istifadə olunur. Bu rezonator-lar şüalanmanın dalğa uzunluğu tərtibində xarakterik ölçülərə malik qaytarıcı səthlərdən ibarət sistemdən təşkil olunmuşdur. Optik diapazonda isə daha kiçik dalğa uzunluqlarına keçid bu rezonatorlardan istifadə etməyə imkan vermir, belə ki, fəal gücləndirici mühiti çox kiçik rezonator daxilində yerləşdirmək mümkün olmur.