M. F. Axundov. Kəmalüddövlə məktubları. Bakı, Azərbaycan Uşaq və Gənclər Ədəbiyyatı Nəşriyyatı, 1959.

Kitabda Azərbaycan maarifçi mütəfəkkiri Mirzə Fətəli Axundzadənin məşhur fəlsəfi əsəri olan “Kəmalüddövlə məktubları” haqqında məlumat verilir. Müəllif komediyalarını və “Aldanmış kəvakib” povestini yazdıqdan sonra ərəb əlifbasının islahı məsələləri ilə yanaşı, həyatının son on beş ilini əsasən bu fəlsəfi əsərin yaradılmasına həsr etmişdir. Əsər 1863-cü ildə yazılmağa başlanmış, ilkin variantı 1865-ci ilin ortalarında tamamlanmışdır. Müəllif ömrünün sonunadək əsər üzərində işləmiş, onun müddəalarını elmi-tarixi faktlarla əsaslandırmış, fars və rus dillərinə tərcümə etmişdir. Nəşr Azərbaycan fəlsəfi fikrinin, maarifçilik hərəkatının və ədəbiyyat tarixinin öyrənilməsi baxımından əhəmiyyətlidir.