Vaqif Səmədoğlu. Uzaq yaşıl ada. Bakı, Şərq-Qərb, 2004.

Vaqif Səmədoğlu! Şeirlərini həmişə həsrətlə gözlədiyimiz, sevə-sevə oxuduğumuz bənzərsiz Azərbaycan şairi... Bugünkü ədəbiyyatımızda tənha- lıq poeziyasını yaradan söz ustası kimi onun bir ayrı yeri var. Vaqifin şeirləri ilahi ilə söhbətdir. İlahi ilə söhbət hər insanın, hər şairin işi deyil. Vaqif Səmədoğlunun tənhalığı məzmun etibarilə ilahi tənhalıqdır. Oxuculara təqdim olunan bu kitabda şairin müxtəlif illərdə qələmə aldığı əsərlər toplanmışdır. Bu əsərlər əvvəli və sonu bilinməyən bir səsdi. Mışıl- mışıl yatan südəmər körpənin, bir ömür yaşamış yaşlı bir insanın nəfəsi onlarda. İnsan qulağının eşitmə hüdudlarını aşıb birbaş ovqata keçir bu səs. Qulaq asaq, dinləyək “burada bürküyə ilişib çıxa bilməyən” bu səsdə, "qərib şerə dönmüş ana dilin sözlərini"...