Zeynalova Mehriban. Kölgədə qalan qadınlar. Bakı, Optimist MMC, 2025.

KÖLGƏDƏ QALAN QADINLAR. “Səssiz fəryad: Ayrı-seçkiliyə və zorakılığa məruz qalan qadınlar (Həssas qrup kateqoriyalarına düşən qadınların psixoloji portreti və onların sosial reabilitasiyasına yönələn yanaşmaları) Bu kitab — görünməyənlərin kölgədən çıxması üçündür. Hazırda cəmiyyət tərəfindən geniş müzakirə obyektinə çevrilən, lakin reallıqda zamanında və yerində zəruri dəstək ala bilməyən, aidiyyatı orqanların və şəxslərin diqqətindən kənarda qalan minlərlə qadınlarımız var. Bu vəsaitdə onların aldıqları travmalar , yaşadıqları gerçək həyat hekayələri, sükutlara bürünmüş vəziyyətləri yer alır. “Kölgədə qalmaq” ifadəsini biz burada passivlik və ya zəifliyin göstəricisi kimi deyil, sosial həyatda görünməzliyin, onlara qarşı olan institusional etinasızlığın və sistemli ayrıseçkiliyin simvolik ifadəsidir. Biz bu ifadəni həm sosial təhlil, həm cəmiyyətə mənəvi xəbərdarlıq, həm də struktural dəyişikliklərə çağırış kimi işlətmişik.