. Niyazinin arxiv materialları Azərbaycan Musiqi Mədəniyyəti Dövlət Muzeyində kataloq. Bakı, , 2013.

Azərbaycan musiqi tarixində elə simalar var ki, onların yaradıcılığı dünya musiqi xəzinəsinə daxil olmuşdur. Belə sənətkarlar sırasında görkəmli dirijor, bəstəkar, ictimai xadim, SSRİ Xalq artisti, Sosialist Əməyi Qəhrəmanı, Azərbaycan və SSRİ Dövlət mükafatları laureatı, Beynəlxalq Nehru mükafatı laureatı Maestro Niyazinin (Niyazi Zülfüqar oğlu Tağızadə-Hacıbəyov) xüsusi yeri vardır. Mədəni irsimizin qorunmasında, milli simfonizmin inkişafında, təbliğində, dünya miqyasında tanınmasında, Azərbaycan dirijorluq məktəbinin formalaşmasında Niyazinin xidmətləri danılmazdır. Ümummilli liderimiz Heydər Əliyevin 1994-cü il sentyabrın 18-də Niyazinin mənzil muzeyinin açılışında qeyd etdiyi kimi, "Niyazinin ən böyük xidməti ondan ibarətdir ki, o həm bəstəkar kimi milli musiqimizi zənginləşdirmiş, Azərbaycan mədəniyyətinə, milli musiqimizə böyük töhfələr vermiş və eyni zamanda bir dirijor kimi Üzeyir Hacıbəyovdan başlayaraq gənc bəstəkarlaradək Azərbaycanın ən görkəmli bəstəkarlarının yaratdıqları əsərlərin meydana çıxması, xalqa çatdırılması, səhnələrdə tamaşaya qoyulması üçün misilsiz işlər görmüşdür".