İnqilab Nadirli. Hikmətli dünyam. Bakı, Zərdabi LTD MMC, 2013.

İnqilab Nadirlinin «Hikmətli dünyam» kitabında humanist məzmun daşıyan mənzum nəsihət və aforizmlərində əsasən vətən, xalq, dövlət, valideyn, övlad sevgisi və s. Tərənnüm olunur. Müəllif nəsihət və aforizmlərdən yoğrulmuş ideal bir İNSAN obrazı yaratmağı qarşısına məqsəd qoymuş və demək olar ki, buna nail olmuşdur. Əsər iki hissədən iba- rətdir. Birinci hissədə İNSAN özü tərbiyə olunur. İkinci hissədə isə O, özü başqalarını tərbiyə edir. Xeyirxah əməllərə, insanlıq adına layiq xeyirli işlər görməyə çağırış notları, doğruluq, düzlük, elsevərlik, mənəvi köklərə bağlılıq, saflıq, əxlaqi dəyərlər, vətənpərvərlik motivləri oxuculara təqdim olunan bu nəsihət və aforizmlərin əsas qayəsini təşkil edir. Müəllif nəsihətlərdən, aforizmlərdən ibarət olan hər bir beytini həm uşaqların, həm yeniyetmələrin, həm də yaşlı insanların yaş və anlaq səviyyəsinə uyğunlaşdırmışdır.