Qərib Şamil. Azərbaycan Respublikasının dövlət torpaq kadastrı: hüquqi, elmi və praktiki məsələləri. Bakı, Elm, 2003.

Monoqrafiyada Azərbaycan Respublikasının dövlət torpaq kadastrının hüquqi, elmi və praktiki məsələləri araşdırılmış, torpaq kadastrının növləri və əsas prinsipləri, onun aparılması qaydaları və tərkib hissələri işıqlandırılmış, həmçinin xarici ölkələrdə torpaq-kadastr tədbirlərinin aparılması qaydaları haqqında ətraflı məlumat verilmişdir. Mütəxəssislər üçün maraq kəsb edən torpaq-kadastr (qiymət) rayonlaşdırılması, torpaqların bonitirovkası, iqtisadi qiymətləndirilməsi və torpaqların normativ qiymətlərinin müəyyən edilməsi problemlərinə monoqrafiyada geniş açıqlama verilmiş, inzibati rayonda torpaq-kadastr tədbirlərinin xüsusiyyətləri təhlil edilmişdir. Monoqrafiyada müəllif respublikamızda torpaq islahatının həyata keçirilməsi ilə bağlı dövlət torpaq kadastrı qarşısında duran bir sıra problemlərə toxunmuş, bu sahədə həlli zəruri olan məsələlərdən bəhs etmişdir. Monoqrafiya mütəxəssislər və geniş oxucu dairəsi üçün nəzərdə tutulmuşdur.