Elmira Fikrətqızı. Osman Türkayın poetik irsi. Bakı, Elm, 2010.

Çağdaş Kıbrıs türk ədəbiyyatının dünya səviyyəsində məşhur, iki dəfə Nobel mükafatına namizəd göstərilən, «Kosmos əsri şairi» epitetli təmsilçisi Osman Türkay (1927-2001) türk və ingilis dillərində bir çox kitabların, tənqidi məqalələrin müəllifidir. Simvolizm və modernizm kimi cərəyanların təsiri altında klassik şeir ənənəsindən yararlansa da, novator şair kimi özünü təsdiqləyən şairin poeziyası Şərq və Qərb dünyagörüşünün sinkretik ifadəsinə çevrilmişdir. Monoqrafiya Azərbaycanda Osman Türkayın həyat və yaradıcılığının öyrənilməsinə həsr olunmuş ilk tədqiqat işidir.