Məmmədov İ.S.. Dövlət və hüquq nəzəriyyəsi. 100 suala 100 cavab. Dərs vəsaiti. Bakı, Çaşıoğlu, 2005.

Dövlət və hüquq nəzəriyyəsi fundamental hüquq elmidir. Bu fənnin müdavim və dinləyicilər tərəfindən dərindən öyrənilməsi mühazirələr toplusu, müxtəlif tədris və metodik vəsaitlərin olmasını tələb edir. Dövlət və hüquq nəzəriyyəsi fənni üzrə tərtib edilərək, müdavim və dinləyicilərin ixtiyarına verilən «tədris-metodik vəsait məhz bu məqsəd daşıyır. Vəsait 3 hissədən ibarətdir. Birinci hissədə Dövlət və hüquq nəzəriyyəsi fənnindən dövlət imtahanlarına hazırlaşarkən, ayrı-ayrı mövzular və konkret suallar üzrə cavabların hansı istiqamətdə açıqlanması, hansı ədəbiyyatlardan istifadə olunması tövsiyə olunur. İkinci hissədə dövlət imtahan biletlərinə düşə biləcək 100 sual və həmin sualların mümkün cavab variantları verilmişdir. Üçüncü hissədə Dövlət və hüquq nəzəriyyə-sindən ayrı-ayrı mövzular üzrə sxemlər tərtib edilmişdir. Təqdim olunan sxemlər görmə yaddaşı vasitəsilə dövlət və hüquq haqqında müəyyən biliklər əldə etməyə və bütövlükdə Dövlət və hüquq nəzəriyyəsi» fənninin öyrənilməsinə yardım edəcəkdir.