Ələkbərov Urxan. Ekologiya. Dünyamızın bugünü və sabahı. Bakı, Ayna Mətbu Evi, 2000.

Bu kitab "Ayna uşaq ensiklopediyası" seriyasından yeddinci kitabdır. Sizlərdən kim həmin seriyanın "Yer kürəsi" cildini oxumuşsa, Yer kürəsinin yaranması və onun quruluşu; təbiət və onun mənimsənilməsi; planetimizin əhalisi, dağları, düzləri, dənizləri, çayları, təbii sərvətləri, bir sözlə, öz doğma evimiz - planetimiz barədə kifayət qədər maraqlı bilgilərə yiyələnmək imkanı olub. Yer kürəsini olduğu kimi göstərməyə cəhd edən müəlliflər insan fəaliyyəti nəticəsində ətraf mühitin dəyişməsindən, təbiətin harmoniyasının pozulmasından, yəni ekoloji problemlərdən də söhbət açmışlar. Bu söhbətlər planetimizin sabahı ilə əlaqədar səslənən həyəcan siqnalıdır.