Əzizova Fəridə. Klassik ərəb poeziyasında Azərbaycan şairləri: genezis, poetika (VIII-XI əsrlər). Bakı, Elm, 2017.

Əməvilər dövründə ərəq və “əcəm” (ərəb olmayan) şairlərinin estetik görüşlərindəki fərq xilafətin vahid sinkretik mədəniyyətinin yaranmasına gətirib çıxartdı. Kitabda müxtəlif tipli mədəniyyətlərin biri-birinə nüfuzetməsi, qaynayıb-qarışması, klassik ərəb ədəbiyyatının xarakterini müəyyənləşdirən mürəkkəb proses tədqiq edilir. Bu ədəbiyyatın fəal yaradıcıları ilk növbədə İslamı qəbul etmiş xalqların görkəmli nümayəndələri idilər. Tədqiqatda ərəb linqvistik mühitinə türk poetik sisteminin elementlərini, eləcə də düşüncə, şüur və idraklarında özünə möhkəm yer tapmış və təfəkkürün arxaik qatları ilə birbaşa bağlı olan bəzi bədii kateqoriyaları gətirən ərəbdilli Azərbaycan müəlliflərinin xüsusi genezis problemindən bəhs olunur.