Mütəlibova Nigar Faiq qızı. Malyariyanın epidemioloji xüsusiyyətləri və müasir diaqnostika üsullarına dair Dərs vəsaiti. Bakı, Mütərcim, 2026.

Malyariya bütün yoluxucu parazitar xəstəliklər arasında ən çox yayılanlardan biridir. Bu xəstəlik hər il 250–300 milyona yaxın insanda qeydə alınır və 600 minlə 1 milyon arasında xəstənin — əsasən də (90%-dən çoxu) Afrikada — ölümünə səbəb olur (Ümumdünya Səhiyyə Təşkilatı). Malyariya xəstəliyi keçmişdə Azərbaycan üçün endemik patologiya hesab olunurdu. Lakin 2023-cü ilin mart ayında Ümumdünya Səhiyyə Təşkilatı (ÜST) Azərbaycanı rəsmi olaraq malyariyadan azad ölkə kimi təsdiqləmişdir. Bu status ölkədə ən azı üç il ardıcıl olaraq malyariyaya yerli yoluxma hallarının olmadığını sübut edir. Sözügedən nailiyyət malyariya ilə mübarizəyə yönəlmiş kompleks tədbirlərin nəticəsidir.