Hörmətli həmkarlar, Sizi 31 Dekabr – Dünya Azərbaycanlılarının Həmrəyliyi Günü və qarşıdan gələn Yeni il münasibətilə səmimi-qəlbdən təbrik edirəm. Dünya Azərbaycanlılarının Həmrəyliyi Günü milli birliyimizin, həmrəyliyimizin və ortaq dəyərlərimizin təcəssümüdür. Mərkəzi Elmi Kitabxananın kollektivi olaraq sizlər bu dəyərlərin qorunması və gələcək nəsillərə ötürülməsi istiqamətində məsuliyyətli və şərəfli fəaliyyət göstərirsiniz. Geridə qoyduğumuz ildə kitabxanamızın inkişafı, elmi-informasiya xidmətlərinin təkmilləşdirilməsi və oxuculara daha keyfiyyətli xidmət göstərilməsi istiqamətində əməyiniz və fədakarlığınız təqdirəlayiqdir. Hər birinizə bu zəhmətinizə görə dərin təşəkkürümü bildirirəm. Yeni ilin hər birinizə möhkəm cansağlığı, ailə səadəti, uğurlar və yeni nailiyyətlər gətirməsini arzulayıram. Hörmətlə, Hüseyn Hüseynov Direktor, texnika elmləri doktoru