AMEA-nın Mərkəzi Elmi Kitabxanasının əməkdaşı Könül Hüseynova Azərbaycan Kooperasiya Universitetinin 60 illik, onun nəzdində fəaliyyət göstərən Bakı Biznes və Kooperasiya Kollecinin isə 85 illik yubileylərinə həsr olunmuş “Yeni reallıqlar şəraitində Azərbaycanın iqtisadi və sosial inkişafı: problemlər, çağırışlar, perspektivlər” mövzusunda keçirilən beynəlxalq elmi-praktiki konfransda iştirak edib. Tədbirin bölmə iclasında Könül Hüseynova “Post-neft dövründə Azərbaycanın iqtisadi və sosial inkişaf strategiyaları: yeni reallıqlar və perspektivlər” mövzusunda məruzə ilə çıxış edib. Məruzəsində MEK əməkdaşı post-neft dövrünün yaratdığı iqtisadi çağırışlar, iqtisadiyyatın diversifikasiyası, innovasiya və bilik əsaslı inkişaf modelinə keçidin zəruriliyi, rəqəmsallaşmanın sürətlənməsi, sosial rifahın yüksəldilməsi istiqamətində aparılan islahatlar barədə məlumat verib. O həmçinin yeni iqtisadi şəraitdə elmi-tədqiqat qurumlarının və informasiya resurslarının, o cümlədən kitabxanaların əhəmiyyətini vurğulayıb.