Bakı Dövlət Universitetinin İnformasiya və sənəd menecmenti fakültəsində Tələbə Elmi Cəmiyyətinin təşkilatçılığı ilə Xalq şairi Bəxtiyar Vahabzadənin 100 illik yubileyinə həsr olunmuş elmi seminar keçirilib. Tədbirin əsas məruzəçisi AMEA-nın Mərkəzi Elmi Kitabxanasının əməkdaşı və fakültənin magistrantı Ayşən Həkimli olub. O, MEK əməkdaşları tərəfindən hazırlanmış “Bəxtiyar Vahabzadə” Elektron Layihəsi əsasında “Bəxtiyar Vahabzadə irsinə dair elektron resurslar” mövzusunda çıxış edib. Ayşən Həkimli şairin zəngin irsinin rəqəmsallaşdırılması, arxivləşdirilməsi və geniş oxucu kütləsinə çatdırılmasında elektron resursların rolunu vurğulayıb. O, layihənin foto-video materiallar, elektron biblioqrafiya və digər altbölmələrdən ibarət olduğunu, platformanın isə müasir texnologiyalara əsaslanaraq davamlı şəkildə yeniləndiyini qeyd edib. Seminarda MEK-in elektron resurslar üzrə inkişaf dinamikası da təqdim olunub. Tədbir müzakirələrlə yekunlaşıb.