. Birinci Türkoloji Qurultay: görünən və görünməyən tərəflər. Elmi sessiyanın materialları (10 iyun 2016-cı il). Bakı, Elm və təhsil, 2016.

Birinci Bakı Türkoloji Qurultayının başa çatmasından 90 il ötsə də, qurultayla bağlı yazılarda fikir ayrılığı hələ də davam edir. Əslində bu fikir ayrılığı qurultaydan sonra yaranmanışdı. Qurultayın başlanmasından əvvəl də mövzu ətrafında mübahisələr olmuşdur. Sovet dövründə əsasən SSRİ-də yaşayan alimlər qurultayın müsbət cəhətlərini təbliğ etmişlər. Mühacirətdə olan ziyalıların böyük bir qismi qurultayla bağlı tənqidi fikirlər söyləyə bilmişlər. Sovetlər Birliyi dağıldıqdan sonra mövzu yenidən aktuallaşmış. araşdırıcılar arxiv sənədlərinə dayanaraq daha dolgun fikirlər söyləməyə başlamışlar. 2016-cı il iyunun 10-da AMEA Folklor İnstitutunun keçirdiyi "Birinci Bakı Türkoloji Qurultayı 90. Görünən və görünməyən tərəflər" elmi sessiyası da fərqli baxışlar sərgiləmişdir. Kitabda elmi sessiyada söylənmiş fikirləri əhatə edən məruzə və çıxışlar toplanmışdır.