. Qiyamətdə 3 dəqiqə. , , 0.

Şəhid İbrahim Hadi Mədəniyyət Qrupu dostları illərdir ki, şəhidlər mövzusunda fəaliyyət göstərirlər. Bu qrup tərəfindən çap olunan və müxtəlif mövzulara malik olan şəhidlərə həsr edilmiş onlarla kitab, xalq tərəfindən böyük maraqla qarşılanmışdır. 1396-cı ildə İsfahana bir səfərimiz oldu. Orada Sepahın komandirlərindən olan əziz bir dostumuzdan bir həmkarı ilə bağlı qəribə bir hadisə eşitdim. O, dedi: "Həmkarımız müharibə veteranı və hərəmin müdafiəçilərindəndir. O, cərrahiyyə əməliyyatı zamanı üç dəqiqəlik dünyasını dəyişir və sonra əməliyyat otağında yaradılan şokla həyata qayıdır. Lakin bu qısa müddətdə onun adi insanların anlamasının çətin olduğu şeylər gördüyü bildirilir. Həmkarımız hadisəni bir neçə yaxın dostuna danışmışdı və bunun yayılmasını çox da istəmirdi. Bundan əlavə, bu hadisədən sonra əxlaq və davranışları tamamilə dəyişmişdi. Bu şəxslə tanış olmağa çox istəyirdim. Onun telefon nömrəsini tapıb dəfələrlə zəng etdim, nəhayət telefona cavab verdi. Bir neçə müsahibə, bir neçə səfər və görüşün nəticəsi sizin qarşınızdakı kitab oldu.