Əliyev İlham Heydər oğlu. İnkişaf - məqsədimizdir: yüz qırx doqquzuncu kitab: noyabr 2025-yanvar 2026. Bakı, Azərnəşr, 2026.

Azərbaycan Respublikasının Prezidenti İlham Əliyevin oxuculara təqdim olunan «İnkişaf məqsədimizdir» çoxcildliyinin bu cildində dövlət başçısının Özbəkistan. Slovakiya respublikalarına, Birləşmiş Ərəb Əmirliklərinə səfərlərinə, Mərkəzi Asiya dövlət başçılarının 7-ci Məşvərət, NATO və ABŞ nümayəndə heyəti ilə görüşlərində iştirakına dair materiallar toplanmışdır. Kitabda, həmçinin dövlət başçısının Vətən müharibəsində qələbənin 5-ci ildönümü münasibəti ilə Şəhidlər xiyabanını ziyarətinə, böyük qələbəyə həsr olunmuş hərbi paradda, eyni zamanda, Zəfər Muzeyinin açılışı mərasimində iştirakına dair materiallar da yer almışdır. Bu cilddə Azərbaycan Respublikası Prezidentinin Qarabağ bölgəsinə səfəri zamanı Xankəndi şəhərində Zəfər parkının, Ağdam şəhərində 2-ci yaşayış kompleksinin açılışı mərasimlərində və buraya köçən sakinlərlə görüşləri zamanı çıxışları, o cümlədən Dünya Azərbaycanlılarının Həmrəyliyi Günü və Yeni il münasibəti ilə xalqa müraciəti də verilmişdir.