Məmmədov Rəcəb. Azərbaycan sirki – 70 (kitab - albom). Bakı, Azəri nəşriyyatı, 2016.

Sənətşünaslıq üzrə fəlsəfə doktoru Rəcəb Məmmədovun "Azərbaycan sirki-70" kitab-albomunda Azərbaycan peşəkar sirk sənətinin təşəkkülü və ilk milli sirk kollektivinin yaranması tarixi barədə iki dildə - Azərbaycan və rus dillərində qısa, lakin dolğun məlumat verilir. Burada təqdim edilən nadir fotoşəkillər. Azərbaycanın peşəkar sirkinin təşəkkül dövrünü, ilk milli sirk proqramının yarandığı zamandan, 70 il ərzində keçdiyi şərəfli yaradıcılıq yolunu, sirk artistlərimizin fədakar-lığını, onların təhlükəli, gərgin yaradıcılıq prosesini, beynəlxalq arenada qazandıqları uğurları əks etdirir. Milli mədəniyyətimizin bariz göstəricilərindən olan Azərbaycan sirk sənətinin 70 illik yubileyinə həsr edilmiş bu kitab-albom, həm mütəxəssislər, həm də geniş oxucu auditoriyası üçün nəzərdə tutulub.