İ.Məmmədzadə. «Qloballaşma və müasirləşmə şəraitin-də fəlsəfənin aktuallığı haqqında. Bakı, Təknur, 2009.

Biz bu əsərdə qlobal məkanda yeniləşən Azərbaycan fəlsəfəsinin elmi təfəkküründə, düşüncəsində baş verən sosio-mədəni prosesləri metodoloji planda öyrənməyə, günümüzdə meydana çıxan bəzi sualları təhlil etməyə cəhd etmişik. Həmçinin istər leksikonumuzda, istərsə də təhlillərimizdə dəbdə olan «qloballaşma» anlamının həyatımızda törətdiyi dəyişikliklərə münasibətimizi açıqlayaraq bir çox suallara, məsələn, necə etməli ki, qlo-ballaşma, «qərbləşmə məkanında milli özgünlüyümüz itməsin, milli dəy-ərlərimiz yeniliklərlə vəhdətdə hifz olunsun, milli fəlsəfəmiz dünya fəlsəfə «okeanında» görünsün, elmimiz geriləməsin, geriliyi simvolizə edən şeylər çərçivəsində əxz olunmasın, elm adamı yeni kreativ düşüncənin önündə getsin, milli əxlaqımızı, əsrlərdən gələn adət-ənənələrimizi deqradasiya olunmadan, həm də modern üslubda dünyaya göstərə bilək; necə etməli ki, qloballaşma kimi bir faktor önündə Elm siyasətimiz qlobal məkana trans-formasiya oluna bilsin və bu kimi digər suallara milli təfəkkür milli düşüncə milli dəyərlər mətnində, milli özünüdərk çərçivəsində yanaşaraq cavab tapmağa çalışmışıq. Bütün deyilənləri nəzərə alaraq, biz bu kimi problemləri və onların həlli yollarını əhatə edən əsəri geniş oxucu audito-riyasına diskussiya etmək üçün təqdim edirik.