. Qafqaz diyarının xəritəsi: Tiflis, 1847-ci il. Bakı, , 2023.

Xəritələr təkcə coğrafiyaşünaslar, tarixçilər üçün deyil, siysətçilər üçün də qiymətli informasiya mənbəyidir. Qədim və müasir dövlətləri, onların ərazilərini, inzibati vahidlərini, irili-xırdalı yaşayış məntəqələrini, tarixi tikililərini, çayları, gölləri, dağları, düzənlikləri və s. özündə tam gerçəkliyi ilə əks etdirməklə yanaşı, onların adlarını, burada məskunlaşan xalqların kimliyini, yaşam tərzini, hətta mənəvi dəyərlərini də gələcək nəsillərə çatdırır. Yaşı yüz il, beş yüz il, min il olan xəritələri öyrənməklə və onları müasirləri ilə müqayisə etməklə, ötən dövrlərdə hər hansı bir ərazinin fiziki-coğrafi, mədəni, etnik xüsusiyyətləri, coğrafi və siyasi sərhədləri barədə məlumat əldə etmək, toponimlərin etnik mənsubiyyətini araşdırmaq, burada yaşamış əhalinin etnik tərkibini müəyyənləşdirmək mümkündür. Belə olan təqdirdə xəritələrdəki coğrafi adlar, eyni zamanda, tarixi yaddaşın bərpasında, saxtakarlığın və mənimsəmələrin qarşısının alınmasında, ifşasında xüsusi əhəmiyyət kəsb edir.