. Azərbaycanın islam inciləri. Bakı, , 2015.

Qədim və zəngin tarixə malik olan, Şərqlə Qərbin qovşağında yerləşən Azərbaycan mədəniyyətlərin və dinlərin qaynayıb-qarışdığı unikal məkandır. Azərbaycan həm də dünyada etnik və dini tolerantlıq ənənələrini yaşadan zəngin ölkə və bu sahədə örnək model kimi qəbul edilən nümunəvi dövlətdir. Bunun ən bariz sübutu ölkə ərazisində İslam abidələri ilə yanaşı, müxtəlif dinlərə aid abidələrin, məbədlərin və ibadətgahların dövlət və cəmiyyət tərəfindən həssaslıqla qorunmasıdır. Əslində, Azərbaycan ərazisində yerləşən müxtəlif dinlərə aid məbədlərin yanaşı fəaliyyət göstərməsi xalq arasında tolerantlıq və multikulturalizm ənənələrinin tarix boyu mövcud olduğunu, bu dəyərlərin xalqımızın milli xarakterinin ayrılmaz hissəsinə çevrildiyini göstərir.