Əhmədov Teymur. Nizami Gəncəvi adına Ədəbiyyat İnstitutu. Bakı, Nurlar, 2013.

Nizami adına Ədəbiyyat İnstitutunun 80 illiyinə həsr edilmiş kitabda bu elm məbədinin təşəkkülü və tarixi inkişaf yolu izlənilir. Ən qədim dövrlərdən bəri xalqımızın yaratdığı şifahi və yazılı ədəbiyyatı toplayan, araşdıran, tərtib və nəşr edən tədqiqatçı alimlərin elmi fəaliyyəti şərh olunur. Azərbaycan milli ədəbiyyatşünaslıq elminin yük-səlişi və dünya ədəbi fikri ilə qarşılıqlı əlaqələri barədə məlumat verilir. Kitabın Ötən günlərdən xatirə" bölməsində elmi işçilərin foto-şəkillərinin müşayiəti ilə institutun tarixinə nəzər salınır. Sonda əməkdaşların müdafiə olunmuş doktorluq və namizədlik dissertasiyalarının və kitablarının siyahısı əlavə edilmişdir. Monoqrafiya geniş oxucu kütləsinə, ədəbiyyatsevərlərə, ədəbi tənqidi fikrin və ədəbiyyatşünaslığın tarixi ilə maraqlanan tədqiqatçı alimlərə qiymətli hədiyyədir.