. Azərbaycan ədəbiyyatı tarixi: 6 cilddə (IV cild). Bakı, Elm, 2011.

Çoxəsrlik Azərbaycan ədəbiyyatı tarixinin istər məzmunca, istərsə də formaca ən zəngin dövrlərindən birinin qloballaşma və mədəni inteqrasiya dövrünün tələbləri baxımından araşdırıldığı bu cild, yüzilliyin birinci və ikinci yarısında baş vermiş ədəbi-mədəni prosesi, biri digərini şərtləndirən və tamamlayan iki bölmə şəklində öyrənmək məqsədilə iki böyük fəsildə oluş durulmuşdur. Milli-mədəni proseslərin görünməmiş bir sürətlə inkiaf etdiyi XIX əsr, bütün dünyada olduğu kimi, Azərbaycanda da ədəbiyyatın ictimai inkişafa fəal müdaxiləsi ilə xarakterizə olunur. Buna görədir ki, bu yüzilliyin ədəbiyyatının ayrıca bir cilddə tədqiq olunması planlaşdırılmış və həyata keçirilmişdir. XIX əsrin birinci yarısında formalaşmış ədəbiyyatın tədqiqinə həsr olunmuş birinci fəsildə ədəbi-mədəni mühitin icmalı verildikdən sonra "Ədəbiyyatın əsas istiqaməti və üslubları" super-başlığı altında bu dövrün aparıcı üslublarından klassik üslub, xalq şeiri üslubu və satirik tüslub ayrıca oçerklər şəklində təqdim olunur. Bu fəsildə həmçinin XIX əsrin birinci yarısı Azərbaycan ədəbiyyatının aparıcı simalarından Abbasqulu ağa Bakıxanov, Mirzə Şəfi Vazeh, Qasım bəy Zakir, Seyid Əbülqasım Nobati və İsmayıl bəy Qutqaşınlı haqqında portret-oçerklər özünə yer tapmışdır.