. Publik hüquqi şəxslər haqqında - Azərbaycan Respublikası Qanununun elmi-praktiki kommentariyası. Bakı, Ocaq, 2026.

Bu vəsait "Publik hüquqi şəxslər haqqında" Azərbaycan Respublikası Qanununun müddəalarının sistemli və maddə-maddə doktrinal şərhini ehtiva edir. Hüquqi Ekspertiza və Qanunvericilik Təşəbbüsləri Mərkəzi tərəfindən "Konstitusiya və Suverenlik İli" çərçivəsində hazırlanmış bu nəşr, sözügedən Qanunun nəzəri və praktiki baxımdan daha dərindən dərk edilməsinə, onun müddəalarının publik hüquqi şəxslərin iştirakı ilə formalaşan hüquq münasibətlərində düzgün, ardıcıl və səmərəli tətbiqinə xidmət edən elmi-metodoloji mənbədir. Vəsait müvafiq sahə üzrə elmi araşdırmalar aparan tədqiqatçılar, hüquqşünas alimlər və praktiki hüquqşünaslar üçün nəzərdə tutulmuşdur. Eyni zamanda, ali məktəblərin hüquq fakültələrinin tələbələri, eləcə də publik hüquqi şəxslər və onların fəaliyyəti haqqında biliklərə yiyələnmək istəyən digər şəxslər üçün faydalıdır.