Babayev Yaqub Məhərrəm oğlu. Ədəbiyyatşünaslıq fraqmentləri. Bakı, Elm və təhsil, 2026.

Kitaba müəllifin, əsasən, müxtəlif illərdə müxtəlif mətbuat orqanlarında çap olunmuş məqalələri daxil edilmişdir. Bu məqalələrin əksəriyyəti ədəbiyyatşünaslıqla bağlıdır. Kitab 4 bölmədən ibarətdir. I Bölmədə ("Klassiklər") müəllifin, əsasən, sovet düvrünə qədər yaşayıb yaratmış sənətkarlarla, habelə ədəbiyyatşünaslıq problemləri ilə bağlı (Nizami, İbn əl-Ərəbi, Əhməd Yəsəvi, Nəsimi, türk şairəsi Mehri xatun, Füzuli, Miskin Abdal, XIX əsr Qarabağ şairləri, Namiq Kamal, Mirzə Ələkbər Sabir, Məhəmməd Əmin Rəsulzadə, tuyuğ janrı və s.) məqalələri yer alır. II Bölmə ("Müasirlər") yaradıcılıq zamanı, daha çox sovet və müstəqillik dövrünə təsadüf edən qələm sahiblərinin (Miskin Vəli, Növrəs İman, Əhməd Cavad, Baxtiyar Vahabzadə, Emir Məhərrəm, Zahid Xəlil, Hüseynbala Mirələmov, Rafiq Yusifoğlu, Islam Sadıq, Sahib Camal və s.) yaradıcılığı ilə əlaqəli mətbu məqalələrdən ibarətdir. III Bölmədə ("Kitablara ön söz və resenziyalar") ayrı-ayrı kitablara yazılmış ön söz (Qoşqar Əhmədli haqqında məqalələr toplusuna, Miskin Vəli, Emir Məhərrəm, Emir Salman, Tayyar Salamoğlu, Fərrəx Rüstəmov, Sahib Camal va s.-in kitablarıma) va resenziyalar (Nizami Xudiyev, İsa Həbibbəyli, Əzizxan Tanrıverdi, Nizami Tağısoy, Samət Əlizadə, Fərrux Rüstəmov, Qəzənfər Paşayev, İslam Ağakərimov, Elman Quliyev, Ramiz Qasımov va s.-in monoqrafiya, dərslik və dərs vəsaitlərinə) toplanmışdır. IV Bölmədəki yazılar ədəbiyyatşünaslıqla bağlı olmadığından müəllif onları "Əlavə" bölməsində verməyi daha münasib hesab etmişdir.