Allahverdiyev Cəlal. İrəvanda Azərbaycan təhsil tarixi. Bakı, Səda, 2026.

Filologiya üzrə fəlsəfə doktoru, dosent Cəlal Vaqif oğlu Allahverdiyevin "İrəvanda Azərbaycan təhsil tarixi" adlı kitabında Ümumtürk mədəni sisteminə daxil olan coğrafiya-lardan biri olaraq İrəvanda məscid məktəbləri və mədrəsələr, rus-Azərbaycan məktəblərinin yaranması, inkişafı, formalaşması və digər məsələlər ilk dəfə olaraq mərhələli və sistemli şəkildə tədqiqata cəlb edilmişdir. Kitabda İrəvanda Azərbaycan maarifçilik hərəkatından və təhsil məsələlərindən geniş bəhs olunur. Müəllif kitabda İrəvanda fəaliyyət göstərən milli məktəblərimizin inkişaf xüsusiyyətləri və üzləşdiyi problemlərdən, bu məktəblərin pedaqoji kadrlarla təmin edilməsində böyük rol oy-namış ali və orta ixtisas təhsili ocaqlarından geniş söhbət açır. İrəvanda azərbaycanlı maarif fədailəri və pedaqoqların təhsil tariximizdəki misilsiz xidmətlərini böyük hörmət və ehtiramla diqqətə çatdırır. Arxiv sənədləri və materialları əsasında ərsəyə gətirilmiş kitabdan magistrlər, tədqiqatçılar, müəllimlər, alimlər və geniş oxucu auditoriyası istifadə edə bilər.