ჰეინრიხ ფრიდრიხ ფონ დიცი. ჰეინრიხ ფრიდრიხ ფონ დიცი — ჰომეროსის ციკლოპთან შედარებით ახლად აღმოჩენილი ოღუზური ციკლოპი; დედა გორგუდის წიგნი. ბასათის მიერ თაფაგოზის მოკვლის ამბავი. ბაქო, მუთარჯიმ, 2015.

წიგნი გამოცემულია ბაქოს საერთაშორისო მულტიკულტურალიზმის ცენტრის მიერ, "დედა გორგუდის წიგნის" გერმანიაში აღმოჩენის 200 წლისთავთან დაკავშირებით (ბერლინი — 1815 / ბაქო — 2015). ნაშრომში შესულია გერმანელი აღმოსავლეთმცოდნის ჰაინრიხ ფრიდრიხ ფონ დიცის მიერ 1815 წელს ბერლინში გამოქვეყნებული, ჰომეროსის პოლიფემეს ლეგენდასთან შედარებული "ბასათის მიერ თაფაგოზის მოკვლის" თავის გერმანულიდან ქართულ ენაზე პირველი თარგმანი. წიგნში ასევე შესულია აზერბაიჯანის რესპუბლიკის პრეზიდენტის, ილჰამ ალიევის 2015 წლის, "დედა გორგუდის" 200 წლისთავთან დაკავშირებული განკარგულების ტექსტი, ქამალ აბდულას წინასიტყვაობა, ფონ დიცის მოკლე ბიოგრაფია და ტერმინთა ლექსიკონი. გამოცემა მომზადებულია ქამალ აბდულას ხელმძღვანელობით, საქართველოს ცნობილი მეცნიერებისგან შემდგარი სარედაქციო კოლეგიის მიერ და წარმოადგენს 25 მსოფლიო ენაზე (მათ შორის ქართულ ენაზეც) თარგმნის პროექტის ნაწილს.