Hüseynov Həsən. Seyid Mahmud Taleqaninin dini-siyasi təlimi və sosial fəlsəfəsi. Bakı, Təknur, 2006.

Monoqrafiyada XX əsr Iran ictimai-siyasi fikri, dini və sosial fəlsəfəsinin görkəmli nümayəndəsi S.M.Taleqaninin geniş əhatəli dünya görüşündə İran cəmiyyətinin iqtisadi, sosial-siyasi və dini-mənəvi dəyərləri haqqındakı baxışları tədqiq olunur. Burada mütəfəkkirin çoxsaylı fəlsəfi-sosioloji əsərləri əsasında onun 1978-1979-cu illər Iran inqilabının hazırlanması və monarxiya quruluşu üzərində qələbəsi ilə başa çatdırıl masındakı rolu, ictimai-siyasi fəaliyyəti və mövqeyi araşdırılır. Bir ictimai-siyasi xadim kimi, filosofun dünyagörüşünün formalaşmasında bəşər elminin və fəlsəfə tarixinin Qədim. Orta əsrlər və Yeni dövrlərdəki Qərb və Şərq müdriklərinin təlimlərindəki ideya mənbələri araşdırılır, cəmiyyətin sosial-iqtisadi inkişafında «islam iqtisadiyyatı təliminin yeri və rolu, həmçinin elmi-texniki tərəqqi və sənaye inqilablarının rolu, cəmiyyətdəki sinfi fərqlərin, sosial-siyasi ziddiyyətlərin və qarşıdurmaların, siyasi və hüquqi azadlıqların təmin olunmasında dini zəminli cihad mübarizəsinin rolu tədqiq olunur.